BEIJING, CHINA — Limampu't limang katao ang inilipad ng Regal Entertainment sa Beijing, China, ngayong araw, November 19, para sa shooting at pictorial ng Mano Po 6: My Mother. Entry sa 2009 Metro Manila Film Festival ang naturang pelikula.
Kasama sa malaking grupo—na halos inokupahan ang buong eroplano ng Philippine Air Lines (PAL)—ang ilan sa cast ng pelikula na sina Sharon Cuneta, Zsa Zsa Padilla, Heart Evangelista, Dennis Trillo, Ciara Sotto, Nicole Uysiuseng, at John Manalo.
Ito ang first time na nakapunta ng China si Sharon. At dahil zero-degree centigrade ang klima noong lumapag ang eroplano sa Beijing International Airport, bandang 11:20 a.m. kanina, naka-"Boston-inspired" outfit ang Megastar—na ang ibig sabihin ay balot na balot.
Nakahabol naman si Heart sa flight papuntang Beijing. Kararating lang kasi niya kagabi, November 18, mula sa taping naman ng Fulll House sa Prague, Czech Republic. Sabi ni Heart sa PEP (Philippine Entertainment Portal), excited siya to learn the culture and history of China. "I'm excited to enjoy the experience," aniya pa.
Siyempre, kasama rin sa entourage ang Regal matriarch na si Lily Monteverde, na aminadong malaki ang ginastos para sa Mano Po 6, at ang kanyang anak na si Roselle Monteverde-Teo.
Si Direk Joel Lamangan naman ay masaya dahil ending na ng pelikula ang kanilang isu-shoot dito.
Kasama rin sa biyahe sina Tony Tuviera at Malou Choa-Fagar ng TAPE Inc.; ang mga talent managers na sina Manny Valera, Sandra Chavez, at Popoy Caritativo; ang ace photographer na si Raymund Isaac; at ilang piling entertainment press, kabilang ang PEP.
(CLICK HERE to see more photos.)